ಆರೋಗ್ಯ : ನಿಮ್ಮ ಈ ದೈನಂದಿನ ಕೆಟ್ಟ ಅಭ್ಯಾಸಗಳೇ ಆರೋಗ್ಯಕ್ಕೆ ಅಪಾಯಕಾರಿಯಾಗಬಹುದು ಎಂದು ತಜ್ಞರು ಎಚ್ಚರಿಕೆ ನೀಡಿದ್ದಾರೆ. ಹಾಗಾದ್ರೆ ಬನ್ನಿ, ಆ ಕೆಟ್ಟ ದೈನಂದಿನ ಅಭ್ಯಾಸಗಳಾವವು ಅಂತ ತಿಳಿಯೋಣ.!
ಇಂದಿನ ಆಧುನಿಕ ಜೀವನಶೈಲಿ (Lifestyle) ಯಲ್ಲಿ ಬಹುತೇಕ ಜನರು ಆರೋಗ್ಯವಾಗಿರಲು ಪ್ರಯತ್ನಿಸುತ್ತಿದ್ದಾರೆ. ನಿಯಮಿತ ವ್ಯಾಯಾಮ, ಪೌಷ್ಟಿಕ ಆಹಾರ ಹಾಗೂ ಆರೋಗ್ಯಕರ ದಿನಚರಿಯನ್ನು ಪಾಲಿಸಲು ಹಲವರು ಮುಂದಾಗುತ್ತಿದ್ದಾರೆ.
ಆದರೆ, ನಮಗೆ ತಿಳಿಯದೆಯೇ ನಾವು ರೂಢಿಸಿಕೊಂಡಿರುವ ಕೆಲವು ಸಣ್ಣಪುಟ್ಟ ದೈನಂದಿನ ಕೆಟ್ಟ ಅಭ್ಯಾಸಗಳು (Bad Habits) ಆರೋಗ್ಯದ ಮೇಲೆ ಗಂಭೀರ ಪರಿಣಾಮ ಬೀರುವ ಸಾಧ್ಯತೆ ಇದೆ ಎಂದು ಆರೋಗ್ಯ ತಜ್ಞರು ಎಚ್ಚರಿಸಿದ್ದಾರೆ.
ದೈನಂದಿನ ಕೆಟ್ಟ ಅಭ್ಯಾಸಗಳು :
ಅನೇಕ ಬಾರಿ ನಾವು ಸಾಮಾನ್ಯವೆಂದು ಭಾವಿಸುವ ದೈನಂದಿನ ಚಟುವಟಿಕೆಗಳೇ (ದೈನಂದಿನ ಕೆಟ್ಟ ಅಭ್ಯಾಸ) ಭವಿಷ್ಯದಲ್ಲಿ ದೊಡ್ಡ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು. ಹಾಗಾಗಿ ಆರೋಗ್ಯಕರ ಜೀವನಕ್ಕಾಗಿ ಕೆಲವು ಅಭ್ಯಾಸಗಳನ್ನು ತಕ್ಷಣ ಬದಲಿಸಿಕೊಳ್ಳುವುದು ಅಗತ್ಯವಾಗಿದೆ.
1. ಮೂತ್ರವನ್ನು ದೀರ್ಘಕಾಲ ತಡೆಹಿಡಿಯುವುದು :
ಕೆಲವರು ಕೆಲಸದ ಒತ್ತಡ ಅಥವಾ ಸೋಮಾರಿತನದಿಂದ ಮೂತ್ರ ವಿಸರ್ಜನೆ (Urination)ಯನ್ನು ದೀರ್ಘಕಾಲ ತಡೆಹಿಡಿಯುತ್ತಾರೆ. ಆದರೆ ಇದು ಮೂತ್ರನಾಳದ ಸೋಂಕು (UTI), ಮೂತ್ರಪಿಂಡದ ಸಮಸ್ಯೆಗಳು ಹಾಗೂ ಮೂತ್ರಾಶಯದ ಒತ್ತಡಕ್ಕೆ ಕಾರಣವಾಗಬಹುದು.
2. ಶೌಚಾಲಯದಲ್ಲಿ ಮೊಬೈಲ್ ಬಳಕೆ :
ಶೌಚಾಲಯದಲ್ಲಿ ಹೆಚ್ಚು ಸಮಯ ಮೊಬೈಲ್ ಬಳಸುವುದು ಇತ್ತೀಚಿನ ದಿನಗಳಲ್ಲಿ ಸಾಮಾನ್ಯವಾಗಿದೆ. ಆದರೆ ಹೀಗೆ ಮಾಡುವುದರಿಂದ ಗುದನಾಳದ ರಕ್ತನಾಳಗಳ ಮೇಲೆ ಒತ್ತಡ ಹೆಚ್ಚಾಗಿ ಮೂಲವ್ಯಾಧಿ (Piles) ಸಮಸ್ಯೆ ಕಾಣಿಸಿಕೊಳ್ಳುವ ಸಾಧ್ಯತೆ ಇರುತ್ತದೆ.
3. ಬಾಯಿ ತೆರೆದು ಮಲಗುವುದು :
ನಿದ್ದೆಯ ವೇಳೆ ಬಾಯಿ ತೆರೆದು ಉಸಿರಾಡುವ ಅಭ್ಯಾಸ ದೀರ್ಘಕಾಲ ಮುಂದುವರಿದರೆ ನಿದ್ರೆಯ ಗುಣಮಟ್ಟ ಕುಸಿಯಬಹುದು. ತಜ್ಞರ ಪ್ರಕಾರ, ಇದು ಅಧಿಕ ರಕ್ತದೊತ್ತಡ (BP), ಮಧುಮೇಹ ಹಾಗೂ ಹೃದಯ ಸಂಬಂಧಿ ಸಮಸ್ಯೆಗಳ ಅಪಾಯವನ್ನು ಹೆಚ್ಚಿಸಬಹುದು.
4. ಗಂಟೆಗಟ್ಟಲೆ ಒಂದೇ ಕಡೆ ಕುಳಿತುಕೊಳ್ಳುವುದು :
ಕಚೇರಿ ಕೆಲಸ ಅಥವಾ ಮೊಬೈಲ್ ಬಳಕೆಯಿಂದ ಅನೇಕರು ದೀರ್ಘ ಸಮಯ ಒಂದೇ ಭಂಗಿಯಲ್ಲಿ ಕುಳಿತುಕೊಳ್ಳುತ್ತಾರೆ. ಇದರಿಂದ ಬೆನ್ನು ನೋವು, ಕುತ್ತಿಗೆ ನೋವು ಹಾಗೂ ಕೀಲು ಸಮಸ್ಯೆಗಳು ಉಂಟಾಗಬಹುದು. ಪ್ರತಿ ಒಂದು ಗಂಟೆಗೆ ಸ್ವಲ್ಪ ನಡೆಯುವುದು ಅಥವಾ ಸ್ಟ್ರೆಚಿಂಗ್ (Stretching) ಮಾಡುವುದು ಉತ್ತಮ.
ಈ ಸುದ್ದಿಯನ್ನು ಓದಿ : ಬೆಳಿಗ್ಗೆ ಈ ನೀರು ಕುಡಿದರೆ ಸಾಕು ; ಬೆಣ್ಣೆಯಂತೆ ಕರಗಿ ಹೋಗುವುದು ಬೊಜ್ಜು.!
5. ಮುಖವನ್ನು ಪದೇಪದೇ ಮುಟ್ಟುವುದು :
ನಮ್ಮ ಕೈಗಳು ದಿನವಿಡೀ ಅನೇಕ ವಸ್ತುಗಳನ್ನು ಸ್ಪರ್ಶಿಸುತ್ತವೆ. ಇದರಿಂದ ಕೈಗಳಲ್ಲಿ ಬ್ಯಾಕ್ಟೀರಿಯಾಗಳು (Bacteria) ಸೇರಿರುತ್ತವೆ. ಅದೇ ಕೈಗಳಿಂದ ಮುಖ ಮುಟ್ಟುವುದರಿಂದ ಚರ್ಮದ ಸೋಂಕು, ಮೊಡವೆ ಹಾಗೂ ಅಲರ್ಜಿ ಸಮಸ್ಯೆಗಳು ಕಾಣಿಸಿಕೊಳ್ಳಬಹುದು.
6. ತುಂಬಾ ವೇಗವಾಗಿ ಆಹಾರ ಸೇವಿಸುವುದು :
ಆಹಾರವನ್ನು ಸರಿಯಾಗಿ ಅಗಿಯದೇ ಬೇಗ ಬೇಗ ತಿನ್ನುವುದು ಜೀರ್ಣಕ್ರಿಯೆಗೆ ಹಾನಿಕಾರಕವಾಗಿದೆ. ಇದರಿಂದ ಅಜೀರ್ಣ, ಹೊಟ್ಟೆ ಉಬ್ಬರ, ಆಮ್ಲೀಯತೆ (Acidity) ಹಾಗೂ Overeating ಸಮಸ್ಯೆಗಳು ಉಂಟಾಗಬಹುದು.
7. ಕಡಿಮೆ ನೀರು ಕುಡಿಯುವುದು :
ದೇಹದಲ್ಲಿ ನೀರಿನ ಕೊರತೆ (Dehydration) ಉಂಟಾದರೆ ಚರ್ಮ ಒಣಗುವುದು, ದೌರ್ಬಲ್ಯ ಹಾಗೂ ಮೂತ್ರಪಿಂಡದ ಕಲ್ಲು ಸಮಸ್ಯೆಗಳಿಗೆ ಕಾರಣವಾಗಬಹುದು. ದಿನಕ್ಕೆ ಸಾಕಷ್ಟು ನೀರು ಕುಡಿಯುವುದು ಆರೋಗ್ಯಕ್ಕೆ ಅತ್ಯಗತ್ಯ.
8. ಸರಿಯಾಗಿ ನಿದ್ರೆ ಮಾಡದಿರುವುದು :
ತಜ್ಞರ ಪ್ರಕಾರ, ಪ್ರತಿದಿನ 7 ರಿಂದ 8 ಗಂಟೆಗಳ ನಿದ್ರೆ ಅಗತ್ಯವಾಗಿದೆ. ನಿದ್ರೆಯ ಕೊರತೆಯಿಂದ ಹೃದಯ ರೋಗ, ಮಧುಮೇಹ, ಒತ್ತಡ (Stress) ಹಾಗೂ ಖಿನ್ನತೆ ಸಮಸ್ಯೆಗಳು ಹೆಚ್ಚಾಗಬಹುದು.
9. ತಡರಾತ್ರಿ ಊಟ ಮಾಡುವ ಅಭ್ಯಾಸ :
ತಡರಾತ್ರಿ ಆಹಾರ ಸೇವಿಸುವುದು ಜೀರ್ಣಕ್ರಿಯೆ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಇದು ತೂಕ ಹೆಚ್ಚಳಕ್ಕೂ ಕಾರಣವಾಗಬಹುದು ಎಂದು ಅಧ್ಯಯನಗಳು ಸೂಚಿಸಿವೆ.
ಇದನ್ನು ಓದಿ : ಗಂಡನಿಗೆ ಅದೃಷ್ಟ ತರುತ್ತಾರಂತೆ ಈ ರಾಶಿಯ ಹುಡುಗಿಯರು.!
10. ವ್ಯಾಯಾಮದ ಕೊರತೆ :
ನಿಯಮಿತ ವ್ಯಾಯಾಮ (Exercise) ದೇಹದ ತೂಕ ನಿಯಂತ್ರಣ, ಹೃದಯ ಆರೋಗ್ಯ ಹಾಗೂ ಮಾನಸಿಕ ಆರೋಗ್ಯ ಕಾಪಾಡಲು ಸಹಕಾರಿ. ವ್ಯಾಯಾಮದ ಕೊರತೆಯಿಂದ ಅನೇಕ ದೀರ್ಘಕಾಲದ ಕಾಯಿಲೆಗಳ ಅಪಾಯ ಹೆಚ್ಚಾಗುತ್ತದೆ.
11. ಮದ್ಯಪಾನ ಮತ್ತು ಧೂಮಪಾನ :
ಮದ್ಯಪಾನ (Alcohol) ಹಾಗೂ ಧೂಮಪಾನ (Smoking) ಆರೋಗ್ಯದ ಮೇಲೆ ಗಂಭೀರ ದುಷ್ಪರಿಣಾಮ ಬೀರುತ್ತವೆ. ಶ್ವಾಸಕೋಶ, ಹೃದಯ ಹಾಗೂ ಬಾಯಿ ಸಂಬಂಧಿ ಕಾಯಿಲೆಗಳ ಅಪಾಯ ಹೆಚ್ಚಾಗುತ್ತದೆ.
ಪ್ರಮುಖ ಸುದ್ದಿಗಳ ಸಂಪೂರ್ಣ ಪಟ್ಟಿ ಇಲ್ಲಿದೆ
12. ಎಲೆಕ್ಟ್ರಾನಿಕ್ ಗ್ಯಾಜೆಟ್ಗಳ ಅತಿಯಾದ ಬಳಕೆ :
ಮೊಬೈಲ್, ಲ್ಯಾಪ್ಟಾಪ್ ಮತ್ತು ಕಂಪ್ಯೂಟರ್ಗಳ ಮುಂದೆ ಹೆಚ್ಚು ಸಮಯ ಕಳೆಯುವುದರಿಂದ ಕಣ್ಣು, ಕುತ್ತಿಗೆ ಹಾಗೂ ಮಾನಸಿಕ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ.
ಆರೋಗ್ಯಕರ ಜೀವನಕ್ಕಾಗಿ ಸಣ್ಣಪುಟ್ಟ ಕೆಟ್ಟ ಅಭ್ಯಾಸಗಳನ್ನು ಬದಲಾಯಿಸುವುದು ಬಹಳ ಮುಖ್ಯವಾಗಿದೆ. ಸರಿಯಾದ ಆಹಾರ, ಉತ್ತಮ ನಿದ್ರೆ, ನಿಯಮಿತ ವ್ಯಾಯಾಮ ಹಾಗೂ ಆರೋಗ್ಯಕರ ಜೀವನಶೈಲಿಯಿಂದ ದೀರ್ಘಕಾಲ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದು.
Disclaimer: ಈ ಲೇಖನವು (ದೈನಂದಿನ ಕೆಟ್ಟ ಅಭ್ಯಾಸ) ಸಾಮಾನ್ಯ ಆರೋಗ್ಯ ಮಾಹಿತಿಯ ಆಧಾರದ ಮೇಲೆ ಸಿದ್ಧಪಡಿಸಲಾಗಿದೆ. ಯಾವುದೇ ಆರೋಗ್ಯ ಸಮಸ್ಯೆಗಳಿದ್ದರೆ ವೈದ್ಯರ ಸಲಹೆ ಪಡೆಯುವುದು ಸೂಕ್ತ.
