ಜನಸ್ಪಂದನ ನ್ಯೂಸ್, ಮಿರ್ಜಾಪುರ (ಉ.ಪ್ರ) : ಉತ್ತರ ಪ್ರದೇಶದ ಮಿರ್ಜಾಪುರದಲ್ಲಿ ಶನಿವಾರ ಬೆಳಿಗ್ಗೆ ನಡೆದ ಕ್ರೂರ ಘಟನೆಯೊಂದು ಸ್ಥಳೀಯರನ್ನು ಬೆಚ್ಚಿಬೀಳುವಂತೆ ಮಾಡಿದೆ. ನಗರದ ಕತ್ವಾರು ಕಾ ಪುರ ಪ್ರದೇಶದಲ್ಲಿ ದುಷ್ಕರ್ಮಿಗಳಿಂದ ವಕೀಲರ ಹತ್ಯೆಯ ಘಟನೆ ಬೆಳಕಿಗೆ ಬಂದಿದೆ.
ಮಾಹಿತಿಯ ಪ್ರಕಾರ, ಮೃತರನ್ನು ರಾಜೀವ್ ಸಿಂಗ್ ಎಂದು ಗುರುತಿಸಲಾಗಿದೆ. ಅವರು ಪ್ರತಿದಿನದಂತೆ ಬೆಳಗಿನ ವಾಕಿಂಗ್ಗೆ ಹೊರಟಿದ್ದ ವೇಳೆ ಈ ದುರ್ಘಟನೆ ಸಂಭವಿಸಿದೆ.
ಬೈಕ್ನಲ್ಲಿ ಬಂದ ಇಬ್ಬರು ದುಷ್ಕರ್ಮಿಗಳು ಅವರನ್ನು ಸಮೀಪಿಸಿ, ಅವರಲ್ಲಿ ಒಬ್ಬಾತ ಹತ್ತಿರದಿಂದಲೇ ದೇಶೀಯ ಪಿಸ್ತೂಲಿನಿಂದ ಗುಂಡು ಹಾರಿಸಿದ್ದಾನೆ. ಗುಂಡೇಟಿಗೆ ಗುರಿಯಾದ ಸಿಂಗ್ ಸ್ಥಳದಲ್ಲೇ ಕುಸಿದು ಬಿದ್ದು ಸಾವನ್ನಪ್ಪಿದ್ದಾರೆ ಎಂದು ತಿಳಿದುಬಂದಿದೆ.
ವಕೀಲರ ಹತ್ಯೆಯ ದೃಶ್ಯಗಳು ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಘಟನೆಗೆ ಸಂಬಂಧಿಸಿದ ಕೆಲವು ಭಯಾನಕ ಕ್ಷಣಗಳು ಬಹಿರಂಗಗೊಂಡಿವೆ. ದೃಶ್ಯಾವಳಿಗಳಲ್ಲಿ, ದಾಳಿಕೋರನು ಕೆಲವು ಕ್ಷಣಗಳ ಕಾಲ ಅಲ್ಲಿ ಕಾಯುತ್ತ ನಿಂತು, ಬಳಿಕ ಹತ್ತಿರಕ್ಕೆ ಬಂದು ಗುಂಡು ಹಾರಿಸಿರುವುದು ಕಾಣಿಸುತ್ತದೆ.
ಈ ಸುದ್ದಿನೂ ಓದಿ : ಸೆಲ್ಫಿ ವ್ಯಾಮೋಹದ ಬೆಲೆ: ಜಲಪಾತದಲ್ಲಿ ಮುಳುಗಿ 3 ಬಾಲಕಿಯರ ಸಾವು, ವಿಡಿಯೋ ವೈರಲ್.
ಈ ವೇಳೆ ಇನ್ನೊಬ್ಬ ಸಹಚರ ಬೈಕ್ ಮೇಲೆ ಕಾಯುತ್ತ ಕುಳಿತಿದ್ದನು. ಘಟನೆಯ ಬಳಿಕ ದಾಳಿಕೋರರು ಸ್ಥಳದಿಂದ ತಪ್ಪಿಸಿಕೊಳ್ಳಲು ಯತ್ನಿಸಿದರೂ, ಬೈಕ್ ತಕ್ಷಣ ಸ್ಟಾರ್ಟ್ ಆಗದ ಕಾರಣ ಕೆಲ ಕ್ಷಣಗಳ ಕಾಲ ಅಲ್ಲಿ ಸಿಲುಕಿಕೊಂಡಿದ್ದಾರೆ.
ಇದರಿಂದ ಸ್ಥಳೀಯರು ಕೂಡ ನಿಧಾನವಾಗಿ ಅಲ್ಲಿ ಸೇರಲು ಆರಂಭಿಸಿದರೂ, ಆರೋಪಿಗಳು ಪಿಸ್ತೂಲ್ ತೋರಿಸಿ ಅವರನ್ನು ಬೆದರಿಸಿ ಹಿಂತಿರುಗಿಸಿದ್ದಾರೆ. ನಂತರ ಬೈಕ್ ಸ್ಟಾರ್ಟ್ ಆಗುತ್ತಿದ್ದಂತೆ ಇಬ್ಬರೂ ಸ್ಥಳದಿಂದ ಪರಾರಿಯಾಗಿದ್ದಾರೆ.
ಈ ಬೆಳಗಿನ ಹೊತ್ತಿನಲ್ಲಿ ನಡೆದ ಹತ್ಯೆ ಪ್ರಕರಣವು ಪ್ರದೇಶದಲ್ಲಿ ಭೀತಿಯ ವಾತಾವರಣವನ್ನು ಉಂಟುಮಾಡಿದ್ದು, ಕಾನೂನು ವಲಯದವರಲ್ಲಿ ಆಕ್ರೋಶ ವ್ಯಕ್ತವಾಗಿದೆ. ಸಾರ್ವಜನಿಕರು ಕೂಡ ಭದ್ರತೆ ಕುರಿತು ಆತಂಕ ವ್ಯಕ್ತಪಡಿಸುತ್ತಿದ್ದಾರೆ.
ಇದನ್ನು ಓದಿ : ಪತಿ ನಾಪತ್ತೆ, ಮೈದುನನ ಜೊತೆ ಸಂಸಾರ: 25 ವರ್ಷಗಳ ಬಳಿಕ ವಾಪಸಾದ ಗಂಡ ; ಮುಂದೇನಾಯ್ತು?
ಸೂಚನೆ ಪಡೆದ ತಕ್ಷಣ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಪರಿಶೀಲನೆ ನಡೆಸಿದ್ದು, ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ. ಈಗಾಗಲೇ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಸಿಸಿಟಿವಿ ದೃಶ್ಯಾವಳಿಗಳನ್ನು ಆಧರಿಸಿ ಆರೋಪಿಗಳ ಪತ್ತೆಗೆ ತೀವ್ರ ಶೋಧ ಕಾರ್ಯ ಮುಂದುವರಿಸಿದ್ದಾರೆ.
ದುಷ್ಕರ್ಮಿಗಳಿಂದ ವಕೀಲರ ಹತ್ಯೆಯ ವಿಡಿಯೋ :
#मिर्जापुर में दिन दहाड़े वकील का लाइव मर्डर, सीसीटीवी वीडियो देखिए
सुबह टहलने के दौरान मोटरसाइकिल सवार व्यक्ति ने देसी तमंचा से मारी गोली, मौके पर अधिवक्ता राजीव सिंह की हुई मौत
कटरा कोतवाली थाना क्षेत्र के कतवारू का पूरा इलाके की घटना #mirzapur #murder #upnews @Uppolice pic.twitter.com/PnGkJkIi9B— Journalist Ravendra kumar (@Chhotukingoffi1) April 11, 2026
Courtesy : Social Media / Twitter
Disclaimer : ಈ ಸುದ್ದಿ ಸಾರ್ವಜನಿಕವಾಗಿ ಲಭ್ಯವಿರುವ ಪ್ರಾಥಮಿಕ ಮಾಹಿತಿಯ ಆಧಾರದ ಮೇಲೆ ಸಿದ್ಧಪಡಿಸಲಾಗಿದೆ. ಪ್ರಕರಣಕ್ಕೆ ಸಂಬಂಧಿಸಿದ ಅಧಿಕೃತ ಮಾಹಿತಿ ತನಿಖೆ ಮುಂದುವರಿದಂತೆ ಬದಲಾಗುವ ಸಾಧ್ಯತೆ ಇದೆ.
