ಜನಸ್ಪಂದನ ನ್ಯೂಸ್, ಕಾನ್ಪುರ : ಉತ್ತರ ಪ್ರದೇಶದ ಕಾನ್ಪುರದಲ್ಲಿ ನಡೆದ ಒಂದು ಕುಟುಂಬದೊಳಗಿನ ಗಂಭೀರ ಗಲಾಟೆಯ ಘಟನೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ. ಪತ್ನಿಯೊಬ್ಬರು ತಮ್ಮ ಪತಿಯನ್ನು ಅವನ ಗರ್ಲ್ಫ್ರೆಂಡ್ ಜೊತೆ ಸಾರ್ವಜನಿಕ ರಸ್ತೆಯಲ್ಲೇ ಹಿಡಿದ ಘಟನೆ, ಕ್ಷಣಾರ್ಧದಲ್ಲಿ ದೊಡ್ಡ ಗಲಭೆಯಾಗಿ ಮಾರ್ಪಟ್ಟಿದೆ. ಸದ್ಯ ಈ ದೃಶ್ಯಗಳ ವಿಡಿಯೋ ವ್ಯಾಪಕವಾಗಿ ವೈರಲ್ ಆಗುತ್ತಿದೆ.
ರಾಷ್ಟ್ರೀಯ ಹೆದ್ದಾರಿಯಲ್ಲಿ ಪತಿ–ಪತ್ನಿ–ಗರ್ಲ್ಫ್ರೆಂಡ್ ಗಲಾಟೆ :
ಈ ಘಟನೆ ಕಾನ್ಪುರದ ಮಹಾರಾಜಪುರ ಪೊಲೀಸ್ ಠಾಣೆ ವ್ಯಾಪ್ತಿಯ ನರವಲ್ ಮೋಡ್ ಬಳಿ, ರಾಷ್ಟ್ರೀಯ ಹೆದ್ದಾರಿಯಲ್ಲಿ ನಡೆದಿದೆ. ಸ್ಥಳೀಯ ಮಾಹಿತಿಯ ಪ್ರಕಾರ, ಹಬ್ಬದ ನಿಮಿತ್ತ ಮನೆಗೆ ಬಂದಿದ್ದ ಪತಿಯ ಬಗ್ಗೆ ಪತ್ನಿಗೆ ಮೊದಲಿನಿಂದಲೂ ಸಂಶಯವಿತ್ತು.
ಈ ಹಿನ್ನೆಲೆಯಲ್ಲಿ ಆಕೆ ಪತಿಯ ಚಲನವಲನವನ್ನು ಗಮನಿಸುತ್ತಿದ್ದು, ನರವಲ್ ಮೋಡ್ ಬಳಿ ಅವನು ಮತ್ತೊಬ್ಬ ಮಹಿಳೆಯೊಂದಿಗೆ ಇರುವುದನ್ನು ನೇರವಾಗಿ ಕಂಡು ಬೆಚ್ಚಿಬಿದ್ದಿದ್ದಾರೆ.
ಮಧ್ಯರಸ್ತೆಯಲ್ಲೇ ಜೋರಾದ ವಾಗ್ವಾದ :
ಪತ್ನಿಯನ್ನು ನೋಡುತ್ತಿದ್ದಂತೆ ಪತಿ ಮತ್ತು ಅವನ ಜೊತೆಗಿದ್ದ ಮಹಿಳೆ ಗಲಿಬಿಲಿಗೊಂಡಿದ್ದಾರೆ. ತಕ್ಷಣವೇ ಪತ್ನಿ ಮಧ್ಯರಸ್ತೆಯಲ್ಲೇ ಜೋರಾಗಿ ಗಲಾಟೆ ಆರಂಭಿಸಿದ್ದಾರೆ. ಮೊದಲಿಗೆ ಮಾತಿನ ಚಕಮಕಿ ನಡೆದರೂ, ಕೆಲವೇ ಕ್ಷಣಗಳಲ್ಲಿ ವಿವಾದ ಗಂಭೀರವಾಗಿ ತೀವ್ರಗೊಂಡಿದೆ.
ಆದರೆ ಸ್ವಲ್ಪ ಸಮಯದ ನಂತರ ಪರಿಸ್ಥಿತಿ ವಿಕೋಪಕ್ಕೆ ಹೋಯಿತು ಮತ್ತು ವಿಡಿಯೋದಲ್ಲಿ ಕಾಣಿಸುವಂತೆ, ಗಂಡ ಪತ್ನಿಯ ಮೇಲೆ ಕೈ ಎತ್ತಿದಂತಿರುವ ದೃಶ್ಯಗಳು ಕಾಣಿಸುತ್ತವೆ.
ವೈರಲ್ ವಿಡಿಯೋ ಇಲ್ಲಿದೆ :
उत्तर प्रदेश के कानपुर से एक ऐसा वीडियो सामने आया है,जिसमें एक पत्नी ने अपने पति को उसकी गर्लफ्रेंड के साथ रंगे हाथों पकड़ लिया.उसके बाद ऐसी लड़ाई शुरू हुई, जिसे देखकर हर कोई हैरान रह गया.इस पूरी खतरनाक लड़ाई का वीडियो राहगीरों ने मोबाइल फोन पर रिकॉर्ड कर लिया. pic.twitter.com/Hmy0jRpsYS
— Abhishek Kumar (@pixelsabhi) October 10, 2025
Video Courtesy : Social media / ABP Live
ರಸ್ತೆಯ ಮೇಲೆ ಗೊಂದಲದ ಪರಿಸ್ಥಿತಿ :
ಪತಿಯ ವರ್ತನೆಗೆ ಆಕ್ರೋಶಗೊಂಡ ಪತ್ನಿ ಅವನ ಗರ್ಲ್ಫ್ರೆಂಡ್ ಜೊತೆ ತೀವ್ರ ವಾಗ್ವಾದಕ್ಕೆ ಇಳಿದಿದ್ದು, ಅದು ಕ್ಷಣಾರ್ಧದಲ್ಲಿ ಕೈ ಕೈ ಮಿಲಾಯಿಸುವ ಮಟ್ಟಕ್ಕೆ ತಲುಪಿದೆ. ಇಬ್ಬರು ಮಹಿಳೆಯರು ಪರಸ್ಪರ ಹೊಡೆದಾಡಿಕೊಂಡಿದ್ದು, ಪತ್ನಿ ಪತಿಗೂ ಕಪಾಳಕ್ಕೆ ಹೊಡೆದಿರುವುದು ಕಂಡುಬಂದಿದೆ.
“ಜಗಳವು ತೀವ್ರ ಸ್ವರೂಪ ಪಡೆದುಕೊಂಡು, ಪರಿಸ್ಥಿತಿ ಅಸ್ತವ್ಯಸ್ತವಾಯಿತು.” ಬೀದಿಯಲ್ಲಿ ದೊಡ್ಡ ಜನಸಮೂಹ ಜಮಾಯಿಸಿತು.
ವಿಡಿಯೋ ಮಾಡಿದ್ದ ಜನ, ತಡೆಯದ ಪತಿ :
ಆಶ್ಚರ್ಯದ ಸಂಗತಿಯೆಂದರೆ, ಜಗಳವನ್ನು ತಡೆಯುವ ಬದಲು ಅಲ್ಲಿ ಸೇರಿದ್ದ ಅನೇಕರು ಮೊಬೈಲ್ನಲ್ಲಿ ವಿಡಿಯೋ ಚಿತ್ರೀಕರಣ ಮಾಡಲು ಮುಂದಾದರು. ಇನ್ನಷ್ಟು ಆಘಾತಕಾರಿಯಾದ ಸಂಗತಿ ಎಂದರೆ, ಪತಿ ಜಗಳ ಶಮನಗೊಳಿಸುವ ಪ್ರಯತ್ನ ಮಾಡದೇ, ತನ್ನ ಗರ್ಲ್ಫ್ರೆಂಡ್ಗೆ ಪತ್ನಿಯ ಮೇಲೆ ದಾಳಿ ಮಾಡಲು ಪ್ರೋತ್ಸಾಹಿಸಿದಂತೆ ವರ್ತಿಸಿದ್ದಾನೆ ಎಂಬ ಆರೋಪವೂ ಕೇಳಿಬಂದಿದೆ.
ವಿಡಿಯೋ ವೈರಲ್, ಪೊಲೀಸ್ ಸ್ಪಷ್ಟನೆ :
ಘಟನೆಯ ಕೆಲ ಸಮಯದ ಬಳಿಕ ಸ್ಥಳೀಯರು ಮಧ್ಯಪ್ರವೇಶಿಸಿ ಪರಿಸ್ಥಿತಿಯನ್ನು ಶಾಂತಗೊಳಿಸಿದ್ದಾರೆ. ಈ ಘಟನೆಗೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಜನರಿಂದ ವಿವಿಧ ಪ್ರತಿಕ್ರಿಯೆಗಳು ವ್ಯಕ್ತವಾಗುತ್ತಿವೆ.
ಪೊಲೀಸರು ನೀಡಿರುವ ಮಾಹಿತಿ ಪ್ರಕಾರ, ಈವರೆಗೆ ಯಾವುದೇ ಅಧಿಕೃತ ದೂರು ದಾಖಲಾಗಿಲ್ಲ. ದೂರು ಬಂದಲ್ಲಿ ತನಿಖೆ ನಡೆಸಲಾಗುವುದು ಎಂದು ಪೊಲೀಸರು ತಿಳಿಸಿದ್ದಾರೆ.
ಇದನ್ನು ಓದಿ : ಅನೈತಿಕ ಸಂಬಂಧ ಹೊಂದಿದ್ದ ಆರೋಪ ; ತಮ್ಮನನ್ನೇ ಮಣ್ಣಲ್ಲಿ ಹೋತು ಹಾಕಿದ ಅಣ್ಣ.
Disclaimer : “This video is taken from social media. We do not endorse violence or defamation. For responsible sharing.”
