ಜನಸ್ಪಂದನ ನ್ಯೂಸ್‌, ಡೆಸ್ಕ್‌ : ಮಹಾರಾಷ್ಟ್ರದ ನಾಗಪುರ ನಗರದಲ್ಲಿ ಮಹಿಳೆ (Luteri Dulhan) ಯೋರ್ವಳ ವಂಚನೆ ಪ್ರಕರಣವೊಂದು ಬೆಳಕಿಗೆ ಬಂದಿದೆ. ಒಬ್ಬನ ನಂತರ ಮತ್ತೋಬ್ಬ ಹೀಗೆ ಎಂಟು ಪುರುಷರೊಂದಿಗೆ ಸಾಲು ಸಾಲು ಮದುವೆಯಾಗಿ ಅವರಿಂದ ಲಕ್ಷಾಂತರ ರೂಪಾಯಿ ವಂಚಿಸಿದ್ದ ಮಹಿಳೆಯನ್ನು ಪೊಲೀಸರು ಬಂಧಿಸಿದ್ದಾರೆ.
ಪೊಲೀಸರು ಬಂಧಿಸಿರುವ ಆರೋಪಿ ಮಹಿಳೆಯನ್ನು ಸಮೀರಾ ಫಾತಿಮಾ ಎಂದು ಗುರುತಿಸಲಾಗಿದೆ. ಪೊಲೀಸರು ಮಾಹಿತಿಯಂತೆ, ಈಕೆ ತನ್ನ ಮುಂದಿನ “ಶಿಕಾರ” ಯೊಂದಿಗೆ ಚಹಾ ಕುಡಿಯುವ ವೇಳೆಯಲ್ಲಿ ಆಕೆ ಪೊಲೀಸರ ಬಲೆಗೆ ಸಿಕ್ಕಿಬಿದ್ದಿದ್ದಾಳೆ.
ಆರೋಪಿತೆ ಓರ್ವ ಶಿಕ್ಷಕಿ :
ಪೊಲೀಸ್ ತನಿಖೆಯಲ್ಲಿ ಪತ್ತೆಯಾದ ಮಾಹಿತಿಯ ಪ್ರಕಾರ, ಸಮೀರಾ ಫಾತಿಮಾ ವೃತ್ತಿಯಿಂದ ಶಿಕ್ಷಕಿ ಆಗಿದ್ದರೂ, ಕಳೆದ 15 ವರ್ಷಗಳಲ್ಲಿ ಹಲವು ಪುರುಷರನ್ನು ಮದುವೆಯಾಗಿ ಹಣ ವಂಚನೆ ಮಾಡುವ ಗ್ಯಾಂಗ್‌ನೊಂದಿಗೆ ಸೇರಿ ಈ ಕೃತ್ಯಗಳಲ್ಲಿ ತೊಡಗಿದ್ದಾಳೆ ಎನ್ನಲಾಗಿದೆ.
ಈಕೆ ಮುಖ್ಯವಾಗಿ ಮುಸ್ಲಿಂ ಸಮುದಾಯದ ಶ್ರೀಮಂತ ಮತ್ತು ವಿವಾಹಿತ ಪುರುಷರನ್ನೇ ಈ ಮಹಿಳೆ (Luteri Dulhan) ಟಾರ್ಗೆಟ್ ಮಾಡುತ್ತಿದ್ದಳು. ಪ್ರೀತಿಯ ಹೆಸರಿನಲ್ಲಿ ನಿಕಟತೆ ಸಂಬಂಧ ಸಾಧಿಸಿ ನಂತರ ಬ್ಲ್ಯಾಕ್‌ಮೇಲ್ ಮಾಡುವ ವಿಧಾನವನ್ನು ಈಕೆ ಅಳವಡಿಸಿಕೊಂಡಿದ್ದಾಳೆ.
50 ಲಕ್ಷಕ್ಕೂ ಹೆಚ್ಚು ಹಣ ವಂಚನೆ :
ಈ Luteri Dulhan ಸಮೀರಾ ವಿರುದ್ಧ 2023ರ ಮಾರ್ಚ್‌ನಲ್ಲಿ ಗುಲಾಂ ಎಂಬ ವ್ಯಕ್ತಿ ಪೊಲೀಸ್ ದೂರು ನೀಡಿದ್ದು, ಈಕೆ 2010ರಿಂದ ಈವರೆಗೆ ಸುಮಾರು 8 ಪುರುಷರೊಂದಿಗೆ ಮದುವೆಯಾಗಿದ್ದು, ಒಟ್ಟು ರೂ.50 ಲಕ್ಷಕ್ಕೂ ಅಧಿಕ ಹಣ ವಂಚಿಸಿದ್ದಾಳೆ ಎಂದು ಆರೋಪಿಸಿದ್ದಾರೆ.
ಅಲ್ಲದೆ, ಈ ಮಹಿಳೆ (Luteri Dulhan) ಕೆಲವರಿಂದ ಬ್ಯಾಂಕ್‌ ಮೂಲಕ, ಕೆಲವರಿಂದ ನಗದು ರೂಪದಲ್ಲಿ ಹಣವನ್ನು ಪಡೆದುಕೊಂಡಿದ್ದಾಳೆ ಎನ್ನಲಾಗಿದೆ. ಪೊಲೀಸ್ ತನಿಖೆಯ ವೇಳೆ ಇಲ್ಲಿಯವರೆಗೆ ರೂ.10 ಲಕ್ಷದವರೆಗೆ ದೃಢ ಸಾಬೀತುಗಳು ಸಿಕ್ಕಿವೆ.
ವಂಚನೆಗಾಗಿ ‘ಸಹಾನುಭೂತಿ ನಾಟಕ’ :
ಪೊಲೀಸರ ಪ್ರಕಾರ, ಈಕೆ (Luteri Dulhan) ತನ್ನನ್ನು ತಾನು “ವಿಚ್ಛೇದಿತ” ಅಸಹಾಯಕಿ ಎಂದು ಪರಿಚಯಿಸಿ, “ನಾನು ಎರಡನೇ ಹೆಂಡತಿಯಾಗಿ ಇರಲು ಸಿದ್ಧ” ಎಂದು ಹೇಳಿ ಪುರುಷರ ಸಹಾನುಭೂತಿಯನ್ನು ಸೆಳೆದುಕೊಂಡಿದ್ದಾಳೆ. ಮದುವೆ ಆದ ಒಂದೆರಡು ವಾರಗಳಲ್ಲೇ ಜಗಳ ಆರಂಭಿಸಿ ನಂತರ ನ್ಯಾಯಾಲಯಲ್ಲಿ ಪ್ರಕರಣ ದಾಖಲಿಸುವ ಬೆದರಿಕೆ ನೀಡಿ, ಸೇಟಲ್ಮೆಂಟ್ ಮೂಲಕ ದೊಡ್ಡ ಮೊತ್ತದ ಹಣ ವಸೂಲಿ ಮಾಡುತ್ತಿದ್ದಳು.
9ನೇ ಶಿಕಾರಿ ವೇಳೆ ಚಹಾ ಅಂಗಡಿಯಿಂದ ಬಂಧನ :
ಪೊಲೀಸ್ ಇಲಾಖೆ ಸಮೀರಾ (Luteri Dulhan) ಪತ್ತೆ ಹಚ್ಚಲು ಹಲವು ತಿಂಗಳುಗಳಿಂದ ಶ್ರಮಿಸುತ್ತಿತ್ತು. ಕೊನೆಗೆ ನಾಗಪುರದ ಸಿವಿಲ್ ಲೈನ್ಸ್ ಪ್ರದೇಶದ ಚಹಾ ಅಂಗಡಿಯೊಂದರಲ್ಲಿ ತನ್ನ ಮುಂದಿನ ಟಾರ್ಗೆಟ್‌ನೊಂದಿಗೆ ಭೇಟಿಯಾಗಿ ಚಹಾ ಕುಡಿಯುತ್ತಿದ್ದಾಗ ಪೊಲೀಸರು ಈಕೆಯನ್ನು ಬಂಧಿಸಿದರು.
ಈ ಪ್ರಕರಣ ಬೆಳಕಿಗೆ ಬಂದ ನಂತರ, ಇನ್ನೂ ಹಲವಾರು ಪುರುಷರು ತವು ಮೋಸ ಹೋದ ಬಗ್ಗೆ ಹಂಚಿಕೊಳ್ಳಲು ಮುಂದಾಗುತ್ತಿದ್ದಾರೆಂದು ಪೊಲೀಸರು ತಿಳಿಸಿದ್ದಾರೆ. ಈಕೆ (Luteri Dulhan) ಇನ್ನಷ್ಟು ಜನರನ್ನು ಶಿಕಾರ ಮಾಡಿರಬಹುದು ಎಂಬ ಅನುಮಾನವೂ ವ್ಯಕ್ತವಾಗಿದೆ. ಪ್ರಸ್ತುತ ಈಕೆ ವಿರುದ್ಧ ಹೆಚ್ಚಿನ ಪ್ರಕರಣಗಳ ತನಿಖೆ ಮುಂದುವರೆದಿದೆ.
“ಕೇವಲ 5 ಸೆಕೆಂಡು : ನಿಮ್ಮ ಬೆರಳೇ ಹೇಳುತ್ತೆ Lung cancer ಇದೆಯಾ ಅಂತ”.!
ಜನಸ್ಪಂದನ ನ್ಯೂಸ್‌, ಆರೋಗ್ಯ : ನಿಮಗಿದು ಗೊತ್ತೇ.? ಕೇವಲ 5 ಸೆಕೆಂಡುಗಳಲ್ಲಿ ನಿಮ್ಮ ಬೆರಳೇ ಹೇಳುತ್ತೆ ಶ್ವಾಸಕೋಶದ ಕ್ಯಾನ್ಸರ್ (Lung cancer) ಇದೆಯಾ ಅಥವಾ ಇಲ್ವಾ ಅಂತ. ಹೇಗಂತ್ತೀರಾ.? ಬನ್ನಿ ತಿಳಿಯೋಣ.!
ಶ್ವಾಸಕೋಶದ ಕ್ಯಾನ್ಸರ್ (Lung cancer) ವಿಶ್ವದ ಅತ್ಯಂತ ಅಪಾಯಕಾರಿ ಮತ್ತು ಮಾರಕ ಕಾಯಿಲೆಗಳಲ್ಲಿ ಒಂದಾಗಿದ್ದು, ಇದರ ಲಕ್ಷಣಗಳು ಸಾಮಾನ್ಯವಾಗಿ ಕೊನೆಯ ಹಂತದಲ್ಲಿ ಮಾತ್ರ ಸ್ಪಷ್ಟವಾಗುತ್ತವೆ.
ಇದನ್ನು ಓದಿ : Gastric-problems : ನಿಮಗೆ ಗ್ಯಾಸ್ಟ್ರಿಕ್ ಸಮಸ್ಯೆಯೇ.? ಇಲ್ಲಿವೆ ಪರಿಣಾಮಕಾರಿ ಮನೆಮದ್ದುಗಳು.
ಆದರೆ, ಆರಂಭಿಕ ಹಂತದಲ್ಲೇ ಶ್ವಾಸಕೋಶದ ಆರೋಗ್ಯದ ಬಗ್ಗೆ ಸುಳಿವು ನೀಡುವ ಸರಳ ಪರೀಕ್ಷೆ ಮನೆಯಲ್ಲೇ ಮಾಡಬಹುದು. ವೈದ್ಯಕೀಯವಾಗಿ ‘ಸ್ಕ್ಯಾಮ್ರೋಥ್ ವಿಂಡೋ ಟೆಸ್ಟ್’ ಅಥವಾ ಜನಪ್ರಿಯವಾಗಿ ‘ಡೈಮಂಡ್ ಫಿಂಗರ್ ಟೆಸ್ಟ್’ ಎಂದೆ ಹೆಸರುವಾಸಿಯಾದ ಈ ಪರೀಕ್ಷೆ ಕೇವಲ 5 ಸೆಕೆಂಡುಗಳಲ್ಲಿ ಶ್ವಾಸಕೋಶದ ಆರೋಗ್ಯದ ಸೂಚನೆ ನೀಡುತ್ತದೆ.
ಡೈಮಂಡ್ ಫಿಂಗರ್ ಟೆಸ್ಟ್ ಹೇಗೆ ಮಾಡಬೇಕು.?
- ಎರಡೂ ಕೈಗಳ ತೋರುಬೆರಳುಗಳನ್ನು ತೆಗೆದುಕೊಳ್ಳಿ.
- ಉಗುರುಗಳ ಅಂಚುಗಳು ಎದುರಾಗುವಂತೆ ಬೆರಳುಗಳನ್ನು ಸರಿಯಾಗಿ ಸೇರಿಸಿ.
- ಬೆರಳುಗಳನ್ನು ಜೋಡಿಸಿದ ಮೇಲೆ ಉಗುರುಗಳ ಮಧ್ಯೆ ಚಿಕ್ಕ ಅಂತರವಿದೆಯೆ ಎಂದು ಗಮನಿಸಿ.
ಫಲಿತಾಂಶದ ಅರ್ಥವೇನು.?
ಬೆರಳುಗಳ ಉಗುರುಗಳ ನಡುವೆ ವಜ್ರದಾಕಾರದ (ಡೈಮಂಡ್ ಶೇಪ್) ಜಾಗ ಸ್ಪಷ್ಟವಾಗಿ ಕಾಣಿಸಿದರೆ ಶ್ವಾಸಕೋಶದ ಆರೋಗ್ಯ ಉತ್ತಮವಾಗಿದೆ ಎಂದು ಸೂಚಿಸುತ್ತದೆ. ಆದರೆ, ಮಧ್ಯೆ ಅಂತರ ಕಾಣಿಸದೇ ಬೆರಳುಗಳ ಉಗುರುಗಳು ಸಂಪೂರ್ಣವಾಗಿ ಸಮತಟ್ಟಾಗಿ ಸೇರಿದರೆ, ಇದೊಂದು ಗಂಭೀರ ಸ್ಥಿತಿ ‘ಕ್ಲಬ್ಬಿಂಗ್’ ಅನ್ನು ಸೂಚಿಸಬಹುದು. ಕ್ಲಬ್ಬಿಂಗ್ ಶ್ವಾಸಕೋಶದ ಕ್ಯಾನ್ಸರ್ (Lung cancer) ನ ಆರಂಭಿಕ ಲಕ್ಷಣವಾಗಿರಬಹುದು.
ಇದನ್ನು ಓದಿ : IBPS ಕ್ಲರ್ಕ್ ನೇಮಕಾತಿ 2025 : ಆಗಸ್ಟ್ 1ರಿಂದ ಅರ್ಜಿ ಪ್ರಕ್ರಿಯೆ ಆರಂಭ ; ಇಲ್ಲಿದೆ ಸಂಪೂರ್ಣ ಮಾಹಿತಿ.!
ಕ್ಲಬ್ಬಿಂಗ್ ಎಂದರೆ ಏನು.?
ಕ್ಲಬ್ಬಿಂಗ್ ಸ್ಥಿತಿಯಲ್ಲಿ ಬೆರಳಿನ ತುದಿಗಳು ದಪ್ಪವಾಗಿ, ಉಗುರುಗಳು ಆವರ್ತಿತವಾಗುವಂತೆ ದಪ್ಪ ಮತ್ತು ಬರುವಂತೆ ಕಾಣುತ್ತವೆ. ದೇಹದಲ್ಲಿ ಆಮ್ಲಜನಕ ಕೊರತೆಯಿಂದಾಗಿ ಈ ಬದಲಾವಣೆಗಳು ಉಂಟಾಗುತ್ತವೆ. ಶ್ವಾಸಕೋಶದ ಕ್ಯಾನ್ಸರ್ (Lung cancer) , ಹೃದಯದ ಸಮಸ್ಯೆಗಳು ಅಥವಾ ಇತರ ಗಂಭೀರ ಕಾಯಿಲೆಗಳು ಇದಕ್ಕೆ ಕಾರಣವಾಗಬಹುದು.
ದೇಹದಲ್ಲಿ VEGF (ವ್ಯಾಸ್ಕುಲರ್ ಎಂಡೋಥಿಲಿಯಲ್ ಗ್ರೋತ್ ಫ್ಯಾಕ್ಟರ್) ಎಂಬ ಪ್ರೋಟೀನ್ ಹೆಚ್ಚು ಪ್ರಮಾಣದಲ್ಲಿ ಬಿಡುಗಡೆ ಆಗುವುದರಿಂದ ಹೊಸ ರಕ್ತನಾಳಗಳ ಬೆಳವಣಿಗೆ ಉಂಟಾಗಿ ಬೆರಳುಗಳಲ್ಲಿ ಊತವನ್ನುಂಟುಮಾಡುತ್ತದೆ.
ಶ್ವಾಸಕೋಶದ ಕ್ಯಾನ್ಸರ್ (Lung cancer) ನ ಇತರೆ ಲಕ್ಷಣಗಳು ಯಾವುವು.?
- ಮೂರು ವಾರಕ್ಕಿಂತ ಹೆಚ್ಚು ದಿನ ನಿರಂತರ ಕೆಮ್ಮು.
- ಕೆಮ್ಮಿನ ಸಮಯದಲ್ಲಿ ರಕ್ತ ಬರುತ್ತಿರುವುದು.
- ಎದೆ ನೋವು ಅಥವಾ ಎದೆ ಬಿಗಿತ ಅನುಭವಿಸುವುದು.
- ಉಸಿರಾಟದಲ್ಲಿ ತೊಂದರೆಗಳು.
- ನಿರಂತರ ಆಯಾಸ ಅಥವಾ ದಣಿವು.
- ಹಸಿವಿನ ಕೊರತೆ ಅಥವಾ ಗಂಟಲು ಕೆರೆತ.
ಇದನ್ನು ಓದಿ : Heart-Test : ಹೃದಯಾಘಾತವನ್ನು ಮುಂಚಿತವಾಗಿ ಪತ್ತೆ ಮಾಡುವ 3 ಸೆಕೆಂಡಿನ ಪರೀಕ್ಷೆ.!
ಮುಖ್ಯ ಸೂಚನೆ :
ಡೈಮಂಡ್ ಫಿಂಗರ್ ಟೆಸ್ಟ್ ಕೇವಲ ಒಂದು ಪ್ರಾಥಮಿಕ ಪರೀಕ್ಷೆ ಮಾತ್ರ. ವೈದ್ಯಕೀಯ ದೃಷ್ಟಿಯಿಂದ ರೋಗನಿರ್ಣಯಕ್ಕೆ ಪರ್ಯಾಯವಲ್ಲ. ಕ್ಲಬ್ಬಿಂಗ್ ಅಥವಾ ಮೇಲೆ ಹೇಳಿರುವ ಯಾವುದೇ ಲಕ್ಷಣಗಳು ಕಂಡುಬಂದರೆ ತಕ್ಷಣ ವೈದ್ಯರ ಪರಿಶೀಲನೆ ಪಡೆಯುವುದು ಅತ್ಯಗತ್ಯ.
ಕಾಯಿಲೆಯು ಆರಂಭಿಕ ಹಂತದಲ್ಲಿ ಪತ್ತೆಯಾದರೆ ಚಿಕಿತ್ಸೆ ಫಲಪ್ರದವಾಗುವ ಸಾಧ್ಯತೆ ಹೆಚ್ಚು. ಆರೋಗ್ಯವನ್ನು ಕಾಪಾಡಿಕೊಳ್ಳುವುದು ಪ್ರತಿಯೊಬ್ಬರ ಜವಾಬ್ದಾರಿ.
Lung cancer : Lung cancer is a malignant tumor that develops in the lung tissues. It’s primarily caused by genetic damage to lung cells, often linked to tobacco smoking or exposure to harmful chemicals.
> Disclaimer : ಈ ಲೇಖನದ ಉದ್ದೇಶ ಅರಿವು ಮೂಡಿಸುವುದು ಮಾತ್ರ. ಯಾವುದೇ ಚಿಕಿತ್ಸೆಯನ್ನು ಆರಂಭಿಸುವ ಮೊದಲು ಅಥವಾ ತಾವೇ ಸ್ವತಃ ಪರೀಕ್ಷಿಸಿ ತಿರ್ಮಾನಿಸುವ ಪೂರ್ವದಲ್ಲಿ ನುರಿತ ವೈದ್ಯರ ಸಲಹೆ ಅನಿವಾರ್ಯ. ಇಲ್ಲಿ ನೀಡಲಾದ ಮಾಹಿತಿ ಜನಸ್ಪಂದನ ನ್ಯೂಸ್‌ನ ದೃಷ್ಟಿಕೋಣವಲ್ಲ, ಇದು ವೈದ್ಯಕೀಯ ಸಲಹೆಯಾಗಿ ಪರಿಗಣಿಸಬಾರದು.
