ಜನಸ್ಪಂದನ ನ್ಯೂಸ್‌, ಡೆಸ್ಕ್‌ : ಹಣ್ಣುಗಳು ಮಾನವ ಆರೋಗ್ಯಕ್ಕೆ ಅತ್ಯಂತ ಅಗತ್ಯವಾದ ಆಹಾರಗಳಲ್ಲಿ ಒಂದಾಗಿದೆ ಎಂಬುದು ಎಲ್ಲರಿಗೂ ತಿಳಿದ ವಿಚಾರ. ಪ್ರತಿದಿನ ಒಂದು ಸೇಬು (Apple) ತಿನ್ನುವುದರಿಂದ ವೈದ್ಯರನ್ನು ದೂರವಿಡಬಹುದು ಎನ್ನುವ ಮಾತು ಸಹ ಪ್ರಸಿದ್ಧವಾಗಿದೆ.
ಆದರೆ ಇತ್ತೀಚಿನ ದಿನಗಳಲ್ಲಿ ಮಾರುಕಟ್ಟೆಯಲ್ಲಿ ಸಿಗುತ್ತಿರುವ ಅನೇಕ ಸೇಬುಗಳು ನೈಸರ್ಗಿಕವಾಗಿ ಮಾಗಿದವುಗಳಾಗದೆ, ರಾಸಾಯನಿಕಗಳಿಂದ ಹಣ್ಣಾಗಿಸಲ್ಪಟ್ಟಿವೆ ಹಾಗೂ ಮೇಣದಿಂದ ಪಾಲಿಷ್ ಮಾಡಲ್ಪಟ್ಟಿವೆ ಎಂಬುದು ಆತಂಕಕಾರಿ ವಿಷಯವಾಗಿದೆ.
Giloy : ಈ ಎಲೆಯಲ್ಲಿದೆ ಕಿಡ್ನಿ ಸ್ಟೋನ್ ಕರಗಿಸುವ ಅದ್ಭುತ ಶಕ್ತಿ ; ಕಲ್ಲು ಸಹಜವಾಗಿ ಹೊರಬರುವುದು!
ಸೇಬು (Apple) ಹಣ್ಣುಗಳು – ನೈಸರ್ಗಿಕ ಪೋಷಕಾಂಶಗಳ ನಿಜವಾದ ಭಂಡಾರ :
ಸೀಸನ್‌ಗೆ ತಕ್ಕಂತೆ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಹಲವಾರು ಬಗೆಯ ಹಣ್ಣುಗಳು ತಮ್ಮ ಬಣ್ಣ, ಸುವಾಸನೆ ಮತ್ತು ರುಚಿಯಿಂದ ಎಲ್ಲರನ್ನೂ ಆಕರ್ಷಿಸುತ್ತವೆ.
ಇವುಗಳಲ್ಲಿ ಇರುವ ವಿಟಮಿನ್‌ಗಳು, ಖನಿಜಾಂಶಗಳು ಹಾಗೂ ಪೋಷಕಾಂಶಗಳು ದೇಹದ ಬೆಳವಣಿಗೆ, ರೋಗನಿರೋಧಕ ಶಕ್ತಿ ಹೆಚ್ಚಿಸಲು ಹಾಗೂ ದೀರ್ಘಕಾಲದ ಕಾಯಿಲೆಗಳಿಂದ ರಕ್ಷಿಸಲು ಸಹಕಾರಿಯಾಗಿದೆ.
ಆದ್ದರಿಂದಲೇ ಆರೋಗ್ಯದತ್ತ ಗಮನಹರಿಸುವವರು, ವಿಶೇಷವಾಗಿ ಜಿಮ್‌ಗೆ ಹೋಗುವವರು ಮತ್ತು ರೋಗಿಗಳು, ಹಣ್ಣುಗಳನ್ನು ಉಪಾಹಾರ ಅಥವಾ ತಿಂಡಿಯಾಗಿ ಸೇವಿಸುತ್ತಾರೆ.
Girl : ಅನ್ಯ ಕೋಮಿನ ಯುವಕನ ಜೊತೆ ನಿಂತ ಯುವತಿಗೆ ಕಿರುಕುಳ ; ವಿಡಿಯೋ ವೈರಲ್.!
ರಾಸಾಯನಿಕವಾಗಿ ಮಾಗಿದ ಸೇಬು (Apple) ಹಣ್ಣುಗಳ ಅಪಾಯ :
ಇತ್ತೀಚಿನ ದಿನಗಳಲ್ಲಿ ಮಾರುಕಟ್ಟೆಯಲ್ಲಿ ಕೃತಕವಾಗಿ ಮಾಗಿದ ಹಣ್ಣುಗಳು ಹೆಚ್ಚಾಗುತ್ತಿವೆ. ಇಂತಹ ಸೇಬು ಹಣ್ಣುಗಳು ಆರೋಗ್ಯವನ್ನು ಉತ್ತಮಗೊಳಿಸುವ ಬದಲು ದೇಹಕ್ಕೆ ಹಾನಿ ಉಂಟುಮಾಡುವ ಸಾಧ್ಯತೆಯಿದೆ.
ರಾಸಾಯನಿಕಗಳಿಂದ ಹಣ್ಣಾಗಿಸಿದ ಸೇಬು (Apple) ಗಳನ್ನು ತಿನ್ನುವುದರಿಂದ ವಿಷಕಾರಿ ಅಂಶಗಳು ದೇಹಕ್ಕೆ ಪ್ರವೇಶಿಸುತ್ತವೆ ಮತ್ತು ದೀರ್ಘಾವಧಿಯಲ್ಲಿ ಹಲವು ರೀತಿಯ ಆರೋಗ್ಯ ಸಮಸ್ಯೆಗಳನ್ನು ಉಂಟುಮಾಡಬಹುದು. ದುಡ್ಡು ಕೊಟ್ಟು ಆರೋಗ್ಯ ಕಳೆದುಕೊಳ್ಳುವ ಪರಿಸ್ಥಿತಿ ಸೃಷ್ಟಿಯಾಗುತ್ತದೆ ಎಂದೇ ಹೇಳಬಹುದು.
ನಕಲಿ ಅಥವಾ ರಾಸಾಯನಿಕವಾಗಿ ಸಂಸ್ಕರಿಸಿದ ಸೇಬುಗಳನ್ನು ಗುರುತಿಸುವ ಸರಳ ವಿಧಾನಗಳು :
KRD : ಕರ್ನಾಟಕ ಕಂದಾಯ ಇಲಾಖೆಯಲ್ಲಿ ಗ್ರಾಮ ಲೆಕ್ಕಿಗ ಮತ್ತು ಸಹಾಯಕ ಹುದ್ದೆಗಳಿಗೆ ಅರ್ಜಿ ಆಹ್ವಾನ.!
1️⃣ ಬಣ್ಣದಿಂದ ಗುರುತಿಸುವುದು :
ನೈಸರ್ಗಿಕವಾಗಿ ಮಾಗಿದ ಸೇಬು ಹಣ್ಣುಗಳು ಹಸಿರು ಅಥವಾ ಕೆಂಪು ಬಣ್ಣದ ಜೊತೆಗೆ ಪಟ್ಟೆಗಳನ್ನು ಹೊಂದಿರುತ್ತವೆ. ಆದರೆ ಅತಿಯಾಗಿ ಹೊಳೆಯುವ, ತುಂಬಾ ಕೆಂಪು ಬಣ್ಣದ, ಮತ್ತು ನಯವಾದ ಸಿಪ್ಪೆ ಇದ್ದರೆ, ಅದು ಮೇಣ ಮತ್ತು ರಾಸಾಯನಿಕ ಲೇಪಿತವಾಗಿರುವ ಸಾಧ್ಯತೆ ಹೆಚ್ಚು.
2️⃣ ಸಿಪ್ಪೆಯ ಗುಣ ಲಕ್ಷಣದಿಂದ ಪತ್ತೆ :
ನೈಸರ್ಗಿಕ ಸೇಬುಗಳ ಸಿಪ್ಪೆ ಸ್ವಲ್ಪ ಒರಟಾಗಿದ್ದು ಮಂದ ಬಣ್ಣದಿರುತ್ತದೆ. ರಾಸಾಯನಿಕವಾಗಿ ಹಣ್ಣಾಗಿಸಿದ ಸೇಬುಗಳು ಮೃದುವಾದ, ಮಿನುಗುವ ಮೇಲ್ಮೈ ಹೊಂದಿರುತ್ತವೆ.
3️⃣ ನೀರಿನ ಪರೀಕ್ಷೆ :
ಒಂದು ಪಾತ್ರೆಯಲ್ಲಿ ನೀರು ತುಂಬಿಸಿ ಸೇಬನ್ನು ಅದರಲ್ಲಿ ಹಾಕಿ ನೋಡಿ. ನಿಜವಾದ ಸೇಬು ಮುಳುಗುತ್ತದೆ, ಏಕೆಂದರೆ ಅದು ಮೇಣವಿಲ್ಲದೆ ಭಾರವಾಗಿರುತ್ತದೆ. ಆದರೆ ಮೇಣದ ಲೇಪಿತ ಸೇಬು ತೇಲುತ್ತದೆ, ಏಕೆಂದರೆ ಅದು ಹಗುರವಾಗಿರುತ್ತದೆ.
4️⃣ ಬಿಸಿ ನೀರಿನಿಂದ ತೊಳೆಯುವ ವಿಧಾನ :
ಸೇಬುಗಳನ್ನು ಬಿಸಿ ನೀರಿನಲ್ಲಿ ಕೆಲವು ನಿಮಿಷಗಳ ಕಾಲ ಇಡಿ. ಮೇಲ್ಮೈಯಲ್ಲಿ ಎಣ್ಣೆಯುಕ್ತ ಅಥವಾ ಮೇಣದ ಪದರ ಮೂಡಿದರೆ, ಅದು ಕೃತಕವಾಗಿ ಪಾಲಿಷ್ ಮಾಡಲ್ಪಟ್ಟಿದೆ ಎನ್ನಬಹುದು.
5️⃣ ವಾಸನೆ ಮೂಲಕ ಪತ್ತೆ :
ಅಸಲಿ ಸೇಬು (Apple) ಹಣ್ಣುಗಳು ಸಿಹಿಯಾದ ನೈಸರ್ಗಿಕ ಪರಿಮಳವನ್ನು ಹೊರಸೂಸುತ್ತವೆ. ಆದರೆ ರಾಸಾಯನಿಕಗಳಿಂದ ಹಣ್ಣಾಗಿಸಿದ ಸೇಬುಗಳು ವಿಚಿತ್ರ ಅಥವಾ ಅಹಿತಕರ ವಾಸನೆಯನ್ನು ನೀಡಬಹುದು. ಹಣ್ಣು ಖರೀದಿಸುವ ಮುನ್ನ ಅದರ ವಾಸನೆ ಪರೀಕ್ಷಿಸುವುದು ಸರಳ ಆದರೆ ಪರಿಣಾಮಕಾರಿ ವಿಧಾನವಾಗಿದೆ.
ತಾನು ಕುಡಿಯೋದಲ್ದೆ ನಾಯಿಗೂ ಕುಡಿಸಿದ ಭೂಪ ; ತೂರಾಡುತ್ತಾ ನಡೆದ Dog ವಿಡಿಯೋ ವೈರಲ್.!
ಗ್ರಾಹಕರಿಗೆ ಎಚ್ಚರಿಕೆ :
ಹಣ್ಣುಗಳು ಆರೋಗ್ಯದ ಕೀಲಿಕೈ ಆಗಿದ್ದರೂ, ರಾಸಾಯನಿಕ ಸಂಸ್ಕರಣೆಗೊಂಡ ಹಣ್ಣುಗಳು ಆರೋಗ್ಯಕ್ಕೆ ಅಪಾಯ ಎಂಬುದನ್ನು ಮರೆಯಬಾರದು. ಸೇಬು (Apple) ಸೇರಿದಂತೆ ಯಾವುದೇ ಹಣ್ಣು ಖರೀದಿಸುವ ಮೊದಲು ಅದರ ಬಣ್ಣ, ವಾಸನೆ, ಸಿಪ್ಪೆ ಮತ್ತು ತೂಕವನ್ನು ಗಮನಿಸಬೇಕು.
ಸಾಧ್ಯವಾದಲ್ಲಿ ಸ್ಥಳೀಯ ಕೃಷಿಕರಿಂದ ಅಥವಾ ನೈಸರ್ಗಿಕವಾಗಿ ಬೆಳೆದ ಹಣ್ಣುಗಳನ್ನು ಖರೀದಿಸುವುದು ಉತ್ತಮ.
ಹಕ್ಕು ನಿರಾಕರಣೆ (Disclaimer) : ಈ ಲೇಖನವು ಕೇವಲ ಮಾಹಿತಿಗಾಗಿ ಮಾತ್ರ ನೀಡಲ್ಪಟ್ಟಿದ್ದು, ಯಾವುದೇ ರೀತಿಯ ವೈದ್ಯಕೀಯ ಸಲಹೆ ಅಥವಾ ಚಿಕಿತ್ಸೆಗೆ ಪರ್ಯಾಯವಲ್ಲ. ಈ ವಿಷಯದಲ್ಲಿ ಉಲ್ಲೇಖಿಸಲಾದ ವಿಧಾನಗಳು ಜನಪ್ರಿಯ ಗೃಹೋಪಾಯಗಳು ಮಾತ್ರ. ಓದುಗರು ತಮ್ಮ ಆರೋಗ್ಯದ ಕುರಿತು ವೈದ್ಯರ ಸಲಹೆಯನ್ನು ಪಡೆಯುವುದು ಶ್ರೇಯಸ್ಕರ.
ತಾನು ಕುಡಿಯೋದಲ್ದೆ ನಾಯಿಗೂ ಕುಡಿಸಿದ ಭೂಪ ; ತೂರಾಡುತ್ತಾ ನಡೆದ Dog ವಿಡಿಯೋ ವೈರಲ್.!
ಜನಸ್ಪಂದ ನ್ಯೂಸ್‌, ಡೆಸ್ಕ್‌ : ಸಾಮಾಜಿಕ ಮಾಧ್ಯಮಗಳಲ್ಲಿ ಪ್ರತಿದಿನ ವಿಚಿತ್ರ ರೀತಿಯ ವಿಡಿಯೋಗಳು ವೈರಲ್ ಆಗುತ್ತಲೇ ಇರುತ್ತವೆ. ಆದರೆ ಇದೀಗ ವೈರಲ್ ಆಗಿರುವ ಒಂದು ಕ್ಲಿಪ್‌ ನೋಡಿದರೆ “ಕೋತಿ ತಾನು ಕೆಡೋದಲ್ಲದೇ ವನನ್ನೇ ಕೆಡಿಸ್ತಂತೇ” ಎಂಬ ಹಳೆಯ ಮಾತು ನಿಜವೆಂದು ಅನಿಸುತ್ತದೆ.
ವಿಡಿಯೋದಲ್ಲಿ ವ್ಯಕ್ತಿಯೊಬ್ಬನು ಸ್ವತಃ ಕುಡಿದದ್ದಲ್ಲದೆ, ತನ್ನ ಜೊತೆಯ ನಾಯಿಗೂ (Dog) ಮದ್ಯ ಕುಡಿಸಿದಂತ ಘಟನೆ ದಾಖಲಾಗಿದೆ. ಈ ಅಸಾಧಾರಣ ದೃಶ್ಯವನ್ನು ಕಂಡ ನೆಟ್ಟಿಗರು ನಗುವುದನ್ನು ತಡೆಯಲಾಗದೆ ಕಾಮೆಂಟ್‌ಗಳ ಮಳೆ ಸುರಿಸುತ್ತಿದ್ದಾರೆ.
ಮಾಹಿತಿಯ ಪ್ರಕಾರ, ಈ ವಿಡಿಯೋವನ್ನು @raghumurthy77 ಎಂಬ ಎಕ್ಸ್‌ (ಹಳೆಯ ಟ್ವಿಟರ್‌) ಬಳಕೆದಾರರು ತಮ್ಮ ಖಾತೆಯಲ್ಲಿ ಹಂಚಿಕೊಂಡಿದ್ದು, ಶೀರ್ಷಿಕೆಯಲ್ಲಿ “ಇವನ್ಯಾರ್ ಗುರು ತಾನ್ ಕುಡಿಯೋದಲ್ದೆ ನಾಯಿ (Dog) ಗೂ ಕುಡುಸ್ಕೊಂಡು!” ಎಂದು ಬರೆದಿದ್ದಾರೆ.
ವಿಡಿಯೋದಲ್ಲಿ ವ್ಯಕ್ತಿಯೊಬ್ಬನು ಕೈಯಲ್ಲಿ ಎಣ್ಣೆ ಅಥವಾ ಮದ್ಯ ತುಂಬಿದ ಕವರ್ ಹಿಡಿದುಕೊಂಡು, ತನ್ನ ನಾಯಿ (Dog) ಯೊಂದಿಗೆ ತೂರಾಡುತ್ತಾ ಹೋಗುತ್ತಿರುವುದು ಸ್ಪಷ್ಟವಾಗಿ ಕಾಣಿಸುತ್ತದೆ.
ಅಕ್ಟೋಬರ್ 13 ರಂದು ಹಂಚಲ್ಪಟ್ಟ ಈ ವಿಡಿಯೋ ಈಗಾಗಲೇ 16,000ಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಪಡೆದಿದ್ದು, ಜನರ ಕಾಮೆಂಟ್‌ಗಳಿಂದ ನಗುಮಳೆ ಸುರಿಯುತ್ತಿದೆ. ಒಬ್ಬ ಬಳಕೆದಾರ “ನಿಯತ್ತು ಅಂದ್ರೆ ಇದೇ ಬ್ರದರ್” ಎಂದು ಹಾಸ್ಯಾತ್ಮಕವಾಗಿ ಬರೆದರೆ, ಮತ್ತೊಬ್ಬರು “ನೋಡೋರಿಗೂ ಚೇಷ್ಟೆ ಆಗಬಹುದು, ಆದರೆ ಇದರಲ್ಲಿ ಏನೋ ಗಿಮಿಕ್ ಇದೆ ಅನಿಸುತ್ತದೆ” ಎಂದು ಕಾಮೆಂಟ್ ಮಾಡಿದ್ದಾರೆ.
ಮತ್ತೊಬ್ಬ ಬಳಕೆದಾರ “ಕೋತಿ ತಾನು ಕೆಡೋದಲ್ಲದೇ ವನನ್ನೆಲ್ಲಾ ಕೆಡಿಸ್ತು ಅಂತಾರೆ ಹೀಗೆ ಆಯ್ತು!” ಎಂದು ಹಾಸ್ಯಭರಿತ ಪ್ರತಿಕ್ರಿಯೆ ನೀಡಿದ್ದಾರೆ. ಇನ್ನೂ ಹಲವರು ನಗುವ ಇಮೋಜಿ ಹಂಚಿಕೊಂಡು ನಾಯಿ (Dog) ಯ ವಿಡಿಯೋವನ್ನು ಟ್ರೆಂಡಿಂಗ್ ವಿಷಯವನ್ನಾಗಿ ಮಾಡಿದ್ದಾರೆ.
ಈ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೇಗವಾಗಿ ಹಂಚಿಕೊಳ್ಳಲಾಗುತ್ತಿದ್ದು, ಜನರು ಅದರ ಅಸಾಮಾನ್ಯ ದೃಶ್ಯವನ್ನು ನೋಡಿ ಮನರಂಜನೆ ಪಡೆಯುತ್ತಿದ್ದಾರೆ.
ತೂರಾಡುತ್ತ ನಡೆಯುತ್ತಿರುವ ನಾಯಿ (Dog) ವಿಡಿಯೋ :
ಇವನ್ಯಾರ್ ಗುರು ತಾನ್ ಕುಡಿಯೋದಲ್ದೆ ನಾಯಿಗೂ ಕುಡುಸ್ಕೊಂಡು 😂😂😂 pic.twitter.com/npG2wP4qjV
— wHatNext 🚩 (@raghunmurthy77) October 13, 2025
